Las Karamba - Venezuela,
Cuba, Argentina, Spania

Smittsam musikkglede frå Sør-Amerika!

Midt i kaos, trafikk og stress i dei travlaste gatene i Barcelona vart Las Karamba til i 2018. Ei samansmelting av seks livshistorier, forma av migrasjon, musikalsk arv og til tider opposisjonelle familieforhold. Saman ville dei seks kvinnene hente styrke, overvinne frykt og følgje draumane sine. På same tid som dei ønskte å uttrykke sin store kjærleik til musikken, ville dei løfte fram rolla til kvinner.

Det multikulturelle bandet har medlemmer frå  Venezuela, Cuba, Catalonia, Frankrike og Argentina. Dei blandar tradisjonelle stilartar som son, cha-cha-cha, salsa og timba med innslag frå rap og urban musikk - og eit snev av samba og rumba. Resultatet er ei ny, kraftfull og smittsam musikalsk oppleving.

Las Karamba-damene osar av musikalitet og speleglede. Samspelet er tett, arrangementa varierte og musikken fengjande - enten du vil lytte eller vere på dansegolvet. Las Karamba er som skapte for ein herleg laurdagskveld i Sunnfjordsalen.